முதியோர் ஆரோக்கியத்திற்கு சித்த மருத்துவம்(மலச்சிக்கல்)

 மலச்சிக்கல்:

•        மலச்சிக்கல் வராமல் தடுக்க தண்ணீர், காய், பழம் என உணவை மருந்தாக உட்கொள்ளலாம்.

•        நாம் சாப்பிடும் உணவு வகைகளில் நார்ச்சத்து நிறைந்த, கேழ்வரகு. தினை, வரகு, கொள்ளு போன்ற முழுத் தானிய உணவு வகைகள் மலச்சிக்கலைத் தவிர்க்க உதவும் (தவிடு நீக்கப்பட்ட தானியங்களில் நார்ச்சத்து இல்லை என்பதைக் கவனத்தில் கொள்ளுங்கள்). வாழைத்தண்டு, காரட், முள்ளங்கி, முட்டைக்கோஸ், பாகற்காய், புடலங்காய், அவரைக்காய், கொத்தவரங்காய் போன்ற காய்கறிகள், பொட்டுக்கடலை, கொண்டைக்கடலை, மொச்சை போன்ற பருப்புகள், கீரைகள், ஆரஞ்சு, கொய்யா, மாதுளை, ஆப்பிள், அத்திப்பழம், பேரீச்சை, மாம்பழம் போன்ற பழங்களில் நார்ச்சத்து அதிகம். இவற்றை தினசரி உணவில் அதிகமாகச் சேர்த்துக்கொள்ள வேண்டும்.

•        முதுமையில் பழங்கள் மிகவும் அவசியம். மலச்சிக்கலைப் போக்க கரையா நார்களையும், இதய குழாய்களின் கொழுப்பை அகற்ற கரையும் நார்களையும், செல் அழிவைப் போக்க பாலிபினால்களையும், ஆற்றலை நீடித்துத்தர 'காம்ப்ளேக்ஸ் கார்போஹைட்ரேட்' டையும் தருபவை பழங்களே. தினமும் உணவில் ஒரு பகுதியாக பழங்கள் இருக்க வேண்டியது அவசியம்.

•        மணலிக்கீரையை பாசிபருப்புடன் சேர்த்து கூட்டு தயார் செய்து சாப்பிட்டு வந்தால் மலச்சிக்கல் பிரச்சனை குணமாகும்.

•        திரிபலா சூரணம், பொன்னாவரை சூரணம், கடுக்காய் லேகியம், கடுக்காய் சூரணம், மூலக்குடோரி எண்ணெய்... என உடல் அமைப்புக்குத் தகுந்த நிறைய சித்த மருந்துகள் இருக்கின்றன.

•        மலச்சிக்கல் தொடர்ந்து இருந்தால், மருத்துவரின் ஆலோசனையுடன் மருந்துகளை எடுத்துகொள்ளலாம். ஆரம்ப கட்டத்திலேயே உணவு முறை, வாழ்க்கை முறை மூலம் மலச்சிக்கலை சரி செய்ய வேண்டும். இயலாத நிலையில் அவை மீண்டும் தொடரும் போது மருத்துவரின் உதவியை நாட வேண்டும்.

•        இதயக் கோளாறுகள், கல்லீரல், சிறுநீரகக் கோளாறு உள்ளவர்கள், மருத்துவர் பரிந்துரைப்படி, ஒரு நாளைக்கு ஒன்றரை லிட்டர் தண்ணீர் அருந்தினால் போதுமானது.